Exame (ujian ) maka hanesan oportunidade ba estudante sira atu prova sira nia kompetensia ba materia ou siencia ne’ebé maka durante periodu ida nia laran sira aprende. Exame mos sai hanesan momentu kompetativa ida. Tan iha momente ida ne’e, estudante sira sei explora sira abilidade hodi prienxe pontos (soal ) ne’ebé maka hanesan, se mak hatene barak liu, ne’e katak nia estuda no aproveita dunik tempu hodi estuda no iha esforsu ne’eb’e diak liu. Prova mos hanesan prosesu ida ne’eb’e estudante sira tenki hasoru, simu no hetan. Atu liu husi prosesu ida ne’e , professores sira bele hatene estudante sira nia koiñesimentu.
Exame katak “ halo teste formal ida hodi bele hatene estudante sira nia partisipasaun iha prosesu tomak, liu-liu iha kapasidade intelektual nian”.
Colégio St. Francisco de Assis, agradese tebes bele hetan oportunidade hodi hala’o prosesu aprendisazen no hala’o exame ho diak no sucessu.
Estudante sira akresenta katak, “ami senti seguru teb-tebes iha exame ne’ebé realiza ona. Tuir ami observa katak, exame ne’e ajuda tebes ami atu kontrola no avalia ami nia kapasidade intelektual. Tamba materia sira ne’ebé ami hetan iha prosesu apredisazen bele koko fali iha exame. Nia resultadu bele halo ami satisfas (puas). Hirak ne’e hatudu katak materia ou siencia prosesu aprendesazen iha koneksaun harmonia ho materia exame. Ami haksolok liu tan tamba ami nia eskola bele hetan oportunidade hodi realiza exame”.
Ita hotu hatene katak pandemia virus corona la’o hela iha mundu, ema barak mak sofre, inklui Timor Leste. Governu implementa hela estadu emerjensia ( EE) maibe mos iha munisipiu balun hasoru mos serka sanitaria ( SS) hanesan; Baucau, Dili, Viqueque no sira seluk ne’ebé eskola barak labele realiza processu aprendesazen normal sa tan exame hanesan ami nia eskola.
Oportunidade provas ne’e mos sai hanesan momentu avaliasaun ba professores sira hodi sukat sira nia sucessu iha processu hanorin. Signifika exame sai hanesan opportunidade ida ba estudante sira hodi sukat sira nia abilidade estuda no professores sira sukat sira nia progressu hanorin.
