ORIENTASAUN
Molok
atu hahu ou tama ba iha fatin ruma ita persiza koinese uluk lai kondisaun,
sistema, ambiente no regras ruma ne’ebe mak estabele iha fatin ida ne’ebe maka
ita atu tama ba. Hanesan iha skola, molok atu hahu eskola iha fatin ruma ita persiza
koinese uluk lai eskola refere, atu koinese eskola refere maka normalmente ita
liu husi aktidade orientasaun. Tan ne’e saida maka orientasaun?
Tuir hau nia hatene katak orientasaun ne’e maka atu koinese malu, koinese ambiente foun, no oinsa atu moris hamutuk hodi hetan motivasaun ba ami ida-idak nia an atu bele studa ho diak no buat ne’ebe hau lahatene bele husu ba kolega sira atu nune’e ami bele kompleta malu ba buat ne’ebe ami seidauk hatene.
Objetivu husi orientasaun ne’e maka simu informasaun foun no atu kapasita ami ida-idak nia kapasidade ou talentu ne’ebe ami iha, atu mentaliza ami nia mentalidade no mos atu adapta ami nia an ho ambiente foun no koinese didiak ambiente eskola nian ne’ebe ami atu hala’o ami nia prosesu aprendesiazen ba.
Orientasaun ne’e nia vantajen maka ami bele hetan informasaun foun hanesan simu materia husi orador sira. Tamba husi formasaun sira ne’e atu bele forma ami nia mentalidade, kapasidade no aumen ta ami nia koinesementu.
Desvantagen husi orientasaun maka hanesan ami seidauk koinese didiak ambiente, kolega no professores sira. No maun ho mana orientador sira orienta ami ho maneira ne’ebe maka balun halo ami tauk no tanis no halo ami balun trauma.
Ikus liu hau atu konklui deit katak orientasaun ne’e importante tebes, tamba liu husi orientasaun ita bele aumenta ita nia koinesementu no bele mentaliza ita nia mentalidade. Tan ne’e labele hare liu ba parte negativu husi oreintasaun ne’e maibe hare no foti saida mak parte pozetivu nian.
OBRIGADO
Hakerek Husi: Sofia Yusuf Malik
klase : 10CT2
